हिरोसिमा, एजेन्सी ६ जेठ । जी–७ राष्ट्रहरुको शिखर सम्मेलनमा भाग लिन भारतीय प्रधानमन्त्री जापानको हिरोसिमा पुगेपछि उनलाई हेर्न र स्वागत गर्न भारतीय मूलको मानिसहरुको उपस्थितिलाई उनले सम्बोधन गरे ।
प्रधानमन्त्री नरेन्द्र मोदीले शुक्रबार जापानको हिरोसिमामा आफू बसेको होटेल बाहिर पर्खिरहेका भारतीय समुदायका मानिसहरूसँग सम्बोधन गर्दै कुराकानी गरे ।
विभिन्न अनलाइनमा एउटा भिडियो सार्वजनिक भएको छ, जसमा प्रधानमन्त्री मोदीले बालबालिकासँग हात मिलाउँदै, भारतीयहरूसँग फोटो खिचिरहेको र केही अटोग्राफमा हस्ताक्षर गरेको देखाइएको छ ।
उल्लेखनीय छ, प्रधानमन्त्री मोदी समूह अफ सेभेन (जी–७) शिखर सम्मेलनमा भाग लिन हिरोसिमामा छन् । एजेन्सी ।