आफ्नो बलियो आर्थिक शक्ति र सैन्य शक्तिका कारण चीनले अन्तर्राष्ट्रिय बजारमा आफ्नो प्रभुत्व जमाउने दिन चाँडै कम हुन थालेको देखिन्छ। अन्तर्राष्ट्रिय पर्यवेक्षक र विज्ञहरूले चीनले गति गुमाउँदै गएको महसुस गरेका छन्। यसका केही प्रमुख कारणहरू छन् जसले चीन तलतिर जाँदैछ भन्ने बलियो संकेत गरेको छ ।

विशेष गरी कोभिड-१९ ले यसको उत्पादनको सबैभन्दा शक्तिशाली आर्थिक स्तम्भ र बेल्ट रोड इनिसिएटिभ ९बीआरआई० अन्तर्गत दिगो ऋणहरू मार्फत खर्च गरेको दायित्वहरूलाई चोट पुर्याएपछि चीनको आर्थिक मेरुदण्ड हल्लीएको हो । विश्वको दोस्रो ठूलो अर्थतन्त्र ठूलो सम्पत्ति संकटबाट गुज्रिरहेको छ, एउटा एभरग्रान्ड पतन, र यो क्षण चीनको लेहमन ब्रदर्स क्षण हुन सक्छ। यसबाहेक, चिनियाँ सत्तारुढ कम्युनिष्ट पार्टीले ठूला व्यवसायका पखेटा काट्ने र कोभिड–१९ लाई गलत ढंगले व्यवस्थापन गर्ने कार्यले आर्थिक गतिविधिलाई असाध्यै नकारात्मक असर गरिरहेको छ।

चीनका आर्थिक सूचकहरूले उत्पादन क्षेत्रमा चीनको प्रगति राम्रो नभएको देखाएको छ जबकी उत्पादन क्षेत्र चीनको सर्वाधिक बलियो क्षेत्र थियो । पर्चेजिङ म्यानेजर्स इन्डेक्स (पीएमआई), उत्पादन गतिविधिको मुख्य गेज, चीनमा अप्रिलमा ४७।४ मा रह्यो – यो मार्चको तुलनामा २।१ को गिरावट भएको र दुई वर्षमा सबैभन्दा कम अंक हो । उद्यमहरूको उत्पादन र सञ्चालन धेरै प्रभावित भएको छ, चीनको राष्ट्रिय तथ्याङ्क ब्यूरो का वरिष्ठ तथ्याङ्कविद् झाओ छिङ्हेले भने। चीनको शून्य कोविड नीतिले समस्या थपिरहेको छ, जसले उत्पादन गतिविधिलाई थप संकुचित गरिरहेको छ। पहिलो त्रैमासिकमा चीनको जीडीपी वृद्धिदर ४।८ प्रतिशत रहेको भनिएकोमा पछिल्लो आधिकारिक तथ्याङ्कमा नै शंका उत्पन्न भएको छ ।