पाकिस्तानमा आफ्नो कुर्सी बचाउनका लागि इमरान खानले पाकिस्तानलाई गृहयुद्धतर्फ धकेल्न सक्ने खालको कदम चालेका छन् । राष्ट्रियसभा विघटनपछि विपक्षी दल सर्वोच्च अदालत पुगेका छन् ।

सर्वोच्च अदालतले यस विषयमा महान्यायाधिवक्तालाई नोटिस पठाएर सुनुवाइ भोलिसम्मका लागि स्थगित गरेको छ ।

पाकिस्तानको संसदमा विपक्षी दलहरूले आफ्ना नेता शाहबाज सरिफलाई देशको प्रधानमन्त्री घोषणा गरेका छन् । समग्रमा हेर्दा पाकिस्तानको अवस्था नियन्त्रण बाहिर गएको देखिन्छ । विपक्षी र इमरान क्याम्पको बयानबाजीका कारण देशमा गृहयुद्ध हुने सम्भावना छ ।

यसैबीच, पाकिस्तानको राष्ट्रिय सभा विघटनको विरुद्धमा बोल्दै, विपक्षी नेता शाहबाज शरीफले कार्यवाहक प्रधानमन्त्री इमरान खानले “देश टुक्राउन र देशलाई गृहयुद्धतर्फ धकेल्न खोजेको आरोप लगाए”, पाकिस्तानी अखबार डनले आइतबार रिपोर्ट गरेको छ।

पाकिस्तान पिपुल्स पार्टी (पीपीपी) का अध्यक्ष बिलावल भुट्टो-जरदारीले पनि इमरानमाथि यस्तै आरोप लगाएका छन् र भनेका छन् कि यो पराजित व्यक्ति (इमरान) शान्ति खलल पार्न खोजिरहेको छ। अर्कोतर्फ शाहबाजले सरकारले अविश्वासको प्रस्तावको संवैधानिक प्रक्रियालाई उलंघन गर्ने षड्यन्त्र गरिरहेको आरोप लगाए  ।